PLATERUS Felix

PLATERUS Felix

prioris fil. Archiater Basiliensis, per Ann. 57. Academiae per Annos 43. Medicinae Professor celeberrimus, sextum Rector. Natus est Basileae A. C. 1536. quô ipsô annô Erasmus Roterod. ibidem mortalitatem explevit: ad Medicinam animô applicatô, tantum profecit, ut non solum Patriae salutaris, sed et Christianissimae Catharinae, magni Henrici IV. Galliae Regis sorori unicae, Saxonicis item, Lotharingicis, Brandenburgicis, et Wirtenbergicis Principibus gratissimus fuerit. Exstant eius de Partium corporis humani structura et usu libri 3. tabulis explicati et Iconibus illustrati, in fol. Basileae per Ambr. Frobenium, A. C. 1583. de Febribus, Praxis Medica, quae omnium manibus teritur, etc. Obiit A. C. 1614. aetat. 77.